به‌پێی هه‌واڵی کوردپرێس، به دوای ئه‌وه‌ی که ڕۆژی سێشه‌ممه تره‌مپ به ئاماده بوونی هه‌واڵنێران چوونه‌ده‌ره‌وه‌ی ئه‌مریکا له به‌رجامی ڕاگه‌یاند محه‌مه‌د جه‌واد زه‌ریف وه‌زیری ده‌ره‌وه‌ی ئێران په‌یامێکی له هه‌ژماری تایبه‌تی خۆی له توویته‌ر بڵاو کرده‌وه و کاردانه‌وه‌ی به‌و کاره‌ی سه‌رۆک کۆماری ئه‌مریکا پیشان دا.
ناوبراو له په‌یامه‌که‌یدا نووسیی: له کاردانه‌وه به پێشێلکارییه به‌رده‌وامه‌کانی ئه‌مریکا له به‌رجام و کشانه‌وه‌ی نایاساییی ئه‌و وڵاته له‌و ڕێککه‌وتنه ئه‌تۆمییه سه‌رۆک کۆماری ئێران ئه‌رکێکی خستۆته سه‌ر شانی من و ئه‌وه‌ش ئه‌وه‌ی که هه‌وڵێکی دیپلۆماتیک ئه‌نجام ده‌ده‌م بۆ هه‌ڵسه‌نگاندنی ئه‌وه‌ی که ئایا دیکه‌ی وڵاتانی ئه‌ندامی به‌رجام ده‌توانن به‌رژه‌وه‌ندییه‌کانی ئێران له به‌رجام به ته‌واوه‌تی دابین بکه‌ن یان نا. ده‌رئه‌نجامی ئه‌و بابه‌ته کاردانه‌وه‌ی ئێمه ئاشکرا ده‌کات.
کۆدی هه‌واڵنێر: 60103
Your Comment