به‌پێی هه‌واڵی کوردپرێس، ڕۆژی یه‌کشه‌ممه 16ی گوڵان ئه‌یاد عه‌لاوی سه‌رۆکی هاوپه‌یمانیی وه‌ته‌نییه له لێدوانێکدا له شاری ناسریه ناوه‌ندی پارێزگای زیقار و له میتینگی بانگه‌شه‌ی هه‌ڵبژاردنی ئه‌و هاوپه‌یمانییه ڕای‌گه‌یاند: ده‌بێ خه‌ڵک به شێوه‌یێکی به‌رفراوان له هه‌ڵبژاردن به‌شداری بکه‌ن و به‌ربژێریی باشتر هه‌ڵبژێرن.
ناوبراو هۆشداری له‌باره‌ی به‌لاڕێدابردنی ده‌نگی ده‌نگده‌ران له هه‌ڵبژاردنی داهاتووی عێراق و کڕین و یاری کردن به ده‌نگه‌کانیان ده‌دات و جه‌خت له‌سه‌ر پێویستی به‌ڕێوه‌چوونی دادپه‌روه‌رانه و شه‌فافی هه‌ڵبژاردن ده‌کاته‌وه چوونکه خاڵێکی وه‌رچه‌رخانی چاره‌نووسساز له مێژووی گه‌لی عێراق و پڕۆسه‌ی سیاسی دێته ئه‌ژمار.
سه‌رچاوه: سۆمه‌ریه نیووز
کۆدی هه‌واڵنێر: 60103
Your Comment