کوردپرێس:
یەکێتیی ئەورووپا لە ڕاپۆرتێکی 16 لاپەڕەییی خۆیدا باسی پێوەندیی لەگەڵ تورکیا و ڕەفتارەکانی ئەنقەرە لە ناوچەکە کردووە و هەڕەشەی سزادانی تورکیای کردووە بەتایبەت لە کەرتی گەشتیاری.
لەو ڕاپۆرتەدا جەخت لەوەش کراوەتەوە کە شەڕەکانی تورکیا دژی کوردەکان لە باکووری سووریا و عێراق بە فەرمانی ئەردۆغان بۆتە هۆی ئاوارەبوونی ژمارەیێکی زۆر لە هاووڵاتییانی مەدەنی.
یەکێتیی ئەورووپا دەشڵێت تورکیا لە هێرشەکانی خۆی دژی کوردەکان مافەکانی مرۆڤی پێشێل کردووە.
یەکێتیی ئەورووپا هەروەها ئاماژەی بەوەش کردووە کە ولادیمییەر پووتن سەرکی ڕووسیا لە زاڵ بوونی تورکیا بە سەر کوردەکاندا یارمەتیی ئەردۆغانی داوە.
Your Comment