به‌پێی هه‌واڵی کوردپرێس، سه‌رچاوه‌کانی نزیک له ده‌وڵه‌تی ناوه‌ندیی سووریا ده‌ڵێن: به بۆنه‌ی هێرشی هێزه‌کانی ته‌حریرولشام بۆ سه‌ر هێزه‌کانی سوپای سووریا له ناوچه‌ی ته‌ل ڕه‌شوی باکووری لازقیه 12 هێزی سوپای سووریا کوژران.
هه‌روه‌ها ڕوانگه‌ی مافی مرۆڤی سووریا له له‌نده‌ن ئاماژه به ته‌شه‌نه سه‌ندنی پێکدادانه‌کان له باکووری سووریا ده‌کات و باس له بوردومانی تۆپخانه‌یی توند له باکووری لازقیه ده‌کات.
شایانی باسه؛ به‌شێکی زۆر له پارێزگای لازقیه له ژێر کۆنتڕۆڵی سوپای سووریادایه و له به‌شی باکووری ئه‌و پارێزگایه‌ش هێزه‌کانی پاڵپشت‌کراوی سوپای تورکیا واتا سوپای ئازادی سووریا بوونیان هه‌یه.
سه‌رچاوه: هه‌واڵده‌ریی زه‌رنیووز
کۆدی هه‌واڵنێر: 60103
Your Comment