به‌پێی هه‌واڵی کوردپرێس، ڕۆژی چوارشه‌ممه 18ی نیسان ماڵپه‌ری فه‌رمانگه‌ی په‌یوه‌ندییه‌کانی ده‌ره‌وه‌ی هه‌ریمی کوردستان ڕای‌گه‌یاند: شاندێکی هه‌رێمی کوردستان که پێکهاتبوون له فوئاد حوسێن سه‌رۆکی دیوانی سه‌رۆکایه‌تیی هه‌رێمی کوردستان، فه‌لاح مسته‌فا به‌رپرسی فه‌رمانگه‌ی په‌یوه‌نده‌ییه ده‌ره‌کییه‌کانی هه‌رێمی کوردستان و به‌یان سامی عه‌بدولره‌حمان نوێنه‌ری حکوومه‌تی هه‌رێم له ئه‌مریکا سه‌ردانی ویڵ هێرد ئه‌ندامی ئه‌نجومه‌نی نوێنه‌رانی ئه‌مریکا له واشنتۆنیان کرد.
ئه‌و ماڵپه‌ڕه ڕای‌گه‌یاندوووه: "له کۆبوونه‌وه‌که‌دا قسه له‌سه‌ر درێژه‌دان به هاوئاهه‌نگیی نێوان ئه‌مریکا و هه‌رێمی کوردستان کرا و هاوکات چه‌ند بابه‌تێکی دیکه وه‌ک په‌یوه‌ندییه‌کانی نێوان هه‌ولێر و به‌غدا، هه‌ڵبژاردنی په‌رله‌مانی عێراق و ئاسته‌نگه سیاسی، ئابووری و مرۆیییه‌کانی هه‌رێمی کوردستان دوای تێکشکاندنی داعش تاوتوێ کران."
شایانی باسه؛ بڕیاره هه‌ڵبژاردنی په‌رله‌مانی عێراق ڕۆژی شه‌ممه 22ی گوڵان/ 12ی مه‌ی به‌ڕێوه بچێت.
کۆدی هه‌واڵنێر: 60103
Your Comment