به‌پێی هه‌واڵی کوردپرێس، سه‌لیم جبووری سه‌رۆکی په‌رله‌مانی عێراق که به مه‌به‌ستی ده‌ربڕینی هاوخه‌میی خۆی بۆ کۆچی ناواده‌ی برای نێچیرڤان بارزانی سه‌ردانی هه‌ولێری کردوووه له‌باره‌ی گه‌ڕانه‌وه‌ی هێزی پێشمه‌رگه بۆ که‌رکووک وتی: ئێمه سه‌باره‌ت به‌م بابه‌ته به‌رده‌وام ده‌بین له هاوئاهه‌نگی کردن چوونکه ئاسایش دابه‌ش ناکرێت و ناشکرێت چه‌ندین جومگه بۆ پاراستنی ئاسایش هه‌بێت. هاوکاری و هه‌ماهه‌نگیی نێوان سوپای فیدراڵی و پێشمه‌رگه و هێزه ئه‌منییه‌کان گه‌ره‌نتی ده‌سته‌به‌ر کردنی سه‌قامگرییه له که‌رکووک و ناوچه جێناکۆکه‌کان.
ئه‌وه له حاڵێکدایه که هه‌واڵه بڵاوکراوه‌کان باس له هه‌وڵی هێزی هاوپه‌یمانانی دژه‌داعش بۆ ڕێککه‌وتنی به‌غدا- هه‌ولێر له‌سه‌ر گه‌ڕانه‌وه‌ی هێزی پێشمه‌رگه بۆ که‌رکووک ده‌کات به‌ڵام تا ئێستا رێککه‌وتنێک له‌سه‌ر ئه‌و بابه‌ته نه‌کراوه و به‌رپرسانی ده‌وڵه‌تی عێراق و هه‌رێمی کوردستان ره‌تیان کردۆ‌ته‌وه که رێککه‌وتن هه‌بێت بۆ گه‌ڕانه‌وه‌ی پێشمه‌رگه.
سه‌رچاوه: ڕووداو
کۆدی هه‌واڵنێر: 60103
Your Comment