به‌پێی هه‌واڵی کوردپرێس، قایمقامێتی تۆنجه‌لی به‌یاننامه‌یێکی بڵاو کرده‌وه‌ و له‌و به‌یاننامه‌یه‌دا ئاماژه‌ به‌ پێکدادانی نێوان هێزه‌کانی جه‌نده‌رمه‌ی تورکیا له‌گه‌ڵ هێزه‌کانی PKK کراوه‌ و هاتوووه‌: به‌ دوای هه‌ماهه‌نگییه‌ ئه‌نجام‌دراوه‌کان له‌ نێوان هێزی هه‌واڵگریی تورکیا (میت) له‌گه‌ڵ هێزه‌کانی جه‌نده‌رمه‌ی پارێزگای تۆنجه‌لی بنکه‌ و باره‌گای PKK له‌ ناوچه‌ی پۆلۆمۆری ئه‌و پارێزگایه‌ ناسێندرا و پێکدادانێک له‌ نێوان هه‌ر دوو لا ڕووی دا.

له‌و به‌یاننامه‌یه‌دا ئاماژه‌ به‌وه‌ش کراوه‌ که‌ له‌و پێکدادانه‌ 4 هێزی PKK کوژران و هێزێکی سوپای تورکیاش بریندار بوو‌ که‌ به‌ کۆپته‌ر بۆ نه‌خۆشخانه‌ی زانکۆی پزیشکیی فراتی ئه‌لازیغ گواسترایه‌وه‌ و له‌ژێر چاودێریی پزیشکیدایه‌.

سه‌رچاوه‌: هه‌واڵده‌ریی هابر 7

کۆدی هه‌واڵنێر: 60103