بەپێی هەواڵی کوردپرێس، دادگای پێداچوونەوەی ناوچەی غازی عەنتاب ئەمڕۆ لەسەر دۆسیەی عوسمان بایدەمیر نوێنەری شانلی ئۆرفا لە پارلەمانی تورکیا کۆ بوویەوە و حوکمی دادگای سزای ژمارە ٤ی دیاربەکر بۆ یەک ساڵ و ٥ مانگ و ١٥ ڕۆژ زیندانی کردنی بایدەمیری پشتڕاست کردەوە کە بە تۆمەتی "سووکایەتی بە پۆلیس کاتی جێبەجێ کردنی ئەرکەکانی" بەسەریدا سەپێنرابوو.

شیاوی ئاماژەیە ئەم دۆسیە بۆ ساڵی ٢٠١٢ و کاتی شارەوان بوونی بایدەمیر لە دیاربەکر دەگەڕێتەوە کە لە کۆبوونەوەیێکی ناڕەزایەتیدا برامبەر باڵەخانەی قائیمەقامی ئەو شارە پاش بەرخۆدام لە بەرامبەر پۆلیس لەلایەن دەزگای دادەوە حوکمی بەدواداچوونی بۆ دەرچوو و پاش هەڵوەشانەوەی حەسانەی یاساییی نوێنەرانی پارلەمان دۆسیەکە کەوتەوە گەڕ و دادگای سزای ژمارە ٤ی دیاربەکر یەک ساڵ و ٥ مانگ و ١٥ ڕۆژ زیندانی بۆ برییەوە.

سەرچاوە: تەلەفزیۆنی ئێن تی‌ڤی

کۆدی هەواڵنێر: ٦٠١٠٥