به‌پێی هه‌واڵی کوردپرێس، دەنگی ئەمریكا لە زاری عەلی حسێنی وتەبێژی میحوەری باكووری عێراقی حەشدی شەعبی بڵاوی كردۆتەوە، لە ئۆپەراسیۆنەكەدا دەستگیر كراوە بە سەر چەک ‌و تەقەمەنی ‌و چەندین ئۆتۆمبیلی بۆمبرێژكراوی داعشدا لە سنووری ناحیەیی ڕیاز.

عەلی حسێنی وتیشی: "سنووردانان بۆ داعش پێویستی بە ئەنجامدانی ئۆپەراسیۆنی گەورە هەیە لە یەک كاتدا لە دیالە و سەڵاحەدین ‌و كەركووک، چونكە "چەكدارەكان لە نێوان ئەو سێ پارێزگایەدا هاتوچۆ دەكەن."

گەرچی هەندێک سەرچاوە باس لەوە دەكەن كە شەوی ڕابردووتر چەكدارانی داعش لەسەر رێگەی كەركووک_بەغدا بازگەیان داناوە و خەڵكیان كوشتو‌ە، بەڵام وتەبێژەكەی حەشدی شەعبی ئەوەی ڕەت كردەوە.

لای خۆیشییەوە نازم كەهیە رێكخەری پەیوەندییەكانی نێوان پێشمەرگە و حەشدی شەعبی لە كەركووک، ئاماژەی بەوە كرد لە چەند شەوی ڕابردوودا ژمارەیێک چەكداری داعش لە گوندی عوزەیرییەی باشووری كەركووک بینراون ‌و وتی: "ئەمنییەت لاوازە، گەڕانەوەی گوندنیشینەكانی دەوروبەری حەویجەش خزمەتی بە داعش كردوووە، چونكە زۆربەی داعشەكان خەڵكی سنووری حەویجەن."

لە ماوەی مانگی رابردووەوە تا ئێستا چەكدارانی داعش، چەندین هێرشیان بۆ سەر حەشدی شەعبی‌ و هێزە عێراقییەكان لە رۆژئاوای كەركووک ئەنجامداوە، لەو هێرشانەدا دەیان چەكداری حەشدی شەعبی ‌و هێزە عێراقییەكانیان كوشتوووە.

سه‌رچاوه‌: شارپرێس

کۆدی هه‌واڵنێر: 60104