به‌پێی هه‌واڵی کوردپرێس، جه‌وده‌ت عه‌سافی له گفتوگۆ له‌گه‌ڵ هه‌واڵده‌ریی "موازین نیوز"دا ئاماژه‌ی دایه ئه‌وه‌ی که ناتوانین متمانه به‌و پێشمه‌رگانه بکه‌ین که له‌گه‌ڵ سوپای عێراقدا شه‌ڕیان کردوووه و ئیداره‌ی ئه‌منیی پارێزگای که‌رکووک بده‌ینه ده‌ستیان.
ناوبراو زیادیشی کرد: هه‌ر ئه‌م پێشمه‌رگانه بوون که له ساڵی 2014 و له دۆخێکی دژواردا چه‌ک و چۆڵی سه‌ربازیی سوپای عێراقیان داگیر کرد.
عه‌سافی وێڕای ئاماژه به‌وه‌ی که دۆخی پارێزگای که‌رکووک ئه‌منه، وتی: هه‌ندێ له ڕووداوه ئه‌منییه‌کانی ئه‌م دواییه له پارێزگای که‌رکووک له لایه‌ن هێزی جیاییخواز و به ئامانجی تێکدانی سه‌قامگیریی ئه‌و پارێزگایه ئه‌نجام دراوه.
کۆدی هه‌واڵنێر: 60104
Your Comment