به‌پێی هه‌واڵی کوردپرێس، ڕۆژنامه‌ی ئه‌خبار هه‌روه‌ها باس له‌وه ده‌کات وادیاره پاش هه‌ڕه‌شه‌یێکی زۆر سه‌باره‌ت به کشانه‌وه له پڕۆسه‌ی سیاسی و حکوومه‌ت و په‌رله‌مانی عێراق و چۆڵ کردنی هه‌موو پۆسته‌کانیان له‌وان پۆستی سه‌رۆکایه‌تیی کۆمار پاش په‌سه‌ند کردنی بودجه‌ی گشتیی ساڵی 2018ی عێراق ئێستا کورد ناتوانێت هه‌ڕه‌شه‌کانی جێبه‌جێ بکات چوونکه شیرین‌ترین هه‌وڵ بۆیان ده‌بێته تاڵترینیان.
ئه‌م ڕۆژنامه‌یه ئاماژه به‌وه‌ش ده‌کات که نێچیرڤان بارزانی سه‌رۆک وه‌زیرانی هه‌رێمی کوردستان ئاشکرا دژایه‌تیی خۆی له‌گه‌ڵ کشانه‌وه له ڕه‌وتی سیاسیی عێراق ڕاگه‌یاندوووه و ده‌شڵێت: پارته کوردستانییه‌کان هیوای زۆریان به هه‌ڵوێستی فوئاد مه‌عسووم سه‌رۆک کۆماری عێراق له یه‌کێتیی نیشتیمانیی کوردستان بوو به‌ڵام مه‌عسوومیش تا ئێستا له‌م باره‌وه هیچ کاردانه‌وه‌یێکی نه‌بوووه.
کۆدی هه‌واڵنێر: 60103
Your Comment