کاروانێکی سەربازی بریتی لە زیاتر لە ١٠٠ تانک و زرێپۆش ڕوو لە عەفرین دەکات

بەشی تورکیا- سوپای تورکیا کاروانێکی گەورەی سەربازیی بۆ سنووری عەفرین لە پارێزگای کیلیس ناردووە کە زیاتر لە ١٠٠تانک و زرێپۆشی تێدایە.

بەپێی هەواڵی کوردپرێس، ئەرکانی فەرماندەیی هێزە چەکدارەکانی تورکیا کاروانێکی گەورەی جیهازاتی سەربازی و چەکی قورس و تانک و زرێپۆشی ڕەوانەی سنووری عەفرین لە پارێزگای کیلیس کردووە ئەمەش لە حاڵێکدا کە لە ڕۆژی ڕابردووەوە شەڕ تەشەنەی سەندۆتەوە و سوپای تورکیا ڕووی لە قووڵاییی عەفرین کردووە.

کاروانە سەربازییەکە لە پارێزگای جۆراوجۆر و بنکەی سەربازیی جیاواز پێکهاتووە و بریتییە لە زیاتر لە ١٠٠ تانک، زرێپۆش و تۆپی سوپای تورکیا کە لە بنکە سەربازییەکانی پارێزگای کیلیسدا دامەزراون.

سەرچاوە: هەواڵدەریی دۆغان

کۆدی هەواڵنێر: ٦٠١٠٥

News Code 12142

Your Comment

You are replying to: .
captcha