به‌پێی هه‌واڵی کوردپرێس، به گوێره‌ی ماڵپه‌ڕی"news.sky" له قاهیره گۆڕێک دۆزرایه‌وه که ٤٠ ته‌رمی مۆمیاکراوی تێدا بوو و په‌یکه‌رێکی بچووک و ملوانکه‌‌یێک که (ساڵی تازه پیرۆز بێت)ی له‌سه‌ر نه‌خشێنرابوو.
خالید عینانی به‌ڕێوبه‌ری شوێنه‌وار ئاماژه‌ی به شوێنی دۆزینه‌وه‌که‌ی دا له شاخی تونه‌ی باشووری قاهیره و هه‌روه‌ها ژماره‌یێکی زۆر لاشه‌ی مردووی دیکه که ده‌گه‌ڕێته‌وه بۆ سه‌رده‌می فیرعه‌ونییه‌کان و بۆ دوو هه‌زار ساڵ به‌ر له ئێستا و وتیشی: ماوه‌ی پێنج ساڵه کار بۆ دۆزینه‌وه و هه‌ڵکۆڵینی ئه‌م شوێنه‌واره ده‌که‌ن.
ناوبراو ده‌شڵێت: ئه‌م دۆزینه‌وه‌یه‌ش ده‌بێته نوێترین شوێنه‌وار له میسر که دۆزرابێته‌وه له‌وانه‌یه نزیکه‌ی پێنج ساڵی دیکه‌ی بوێت بۆ لێکۆڵینه‌وه له هه‌موو لاشه دۆزراوه‌کان. هه‌روه‌ها له نێوان لاشه دۆزراوه‌کاندا لاشه‌ی قه‌شه‌یێکی میسری هه‌بوووه و چه‌ندین کوپه‌ڵه که له مه‌ڕمه‌ڕ دروست کرابوون به کار هاتوووه بۆ پاراستنی به‌شه‌کانی جه‌سته وه‌کوو جگه‌ر و سییه‌کان و گه‌ده و ڕیخۆڵه.
ژماره‌ی گه‌شتیاران بۆ شوینه‌واره‌کانی میسر ساڵانه نزیکه‌ی هه‌شت ملیۆن و سێ هه‌زار که‌سه.
سه‌رچاوه: ئێن ئاڕتی
کۆدی هه‌واڵنێر: 60103
Your Comment