به‌پێی هه‌واڵی کوردپرێس، موجیب عه‌زیز حسانی به‌ هه‌واڵده‌ریی "عین العراق نیوز"ی وتوووه‌: ڕاپۆرته‌ بڵاوکراوه‌کان سه‌باره‌ت به‌ چوونی هێزه‌کانی عێراق به‌ تایبه‌ت هێزی کاردانه‌وه‌ی خێرا بۆ پارێزگای به‌سره‌ به‌ مه‌به‌ستی کۆتایی هێنان به‌ شه‌ڕی تایفی له‌و پارێزگایه‌ دووره‌ له‌ ڕاستی و ته‌نیا ڕاپۆرتێکی میدیایی دێته‌ ئه‌ژمار.

ناوبراو جه‌ختی کرده‌وه‌: ئێستاکه‌ هه‌ندێک که‌تیبه‌ له‌ هێزی خۆجێییی سه‌ر به‌ ئه‌رکانی ئۆپه‌راسیۆنی به‌سره‌ و پۆلیسی خۆجێیی خه‌ریکن ئۆپه‌راسیۆنی ئه‌منی ئه‌نجام ده‌ده‌ن به‌ مه‌به‌ستی کۆتایی هێنان به‌ شه‌ڕه‌ تایفییه‌کان له‌و پارێزگایه‌.

ناوبراو ئاماژه‌ی به‌وه‌ش کرد: ته‌نانه‌ت هێزێکی عێراق نه‌چۆته‌ ناو پارێزگای به‌سره‌. پارێزگای به‌سره‌ پێویستی به‌ هێزه‌کانی ده‌وڵه‌تی فیدڕاڵ هه‌یه‌ به‌ مه‌به‌ستی چاره‌سه‌ر کردنی شه‌ڕی تایفی و عه‌شیره‌یی.

کۆدی هه‌واڵنێر: 60103