به‌پێی هه‌واڵی کوردپرێس، تارق جه‌وهه‌ر به‌ هه‌واڵده‌ریی "شفق نیوز"ی وتوووه‌: ئێمه‌ چاوه‌ڕوانی گه‌ڕانه‌وه‌ی شاندی نوێنه‌رانی کورد له‌ عه‌فرین و ئاراسته‌ کردنی ڕاپۆرته‌که‌یان سه‌باره‌ت به‌ ده‌رئه‌نجامی ئه‌و دیدارانه‌ین بۆ ئه‌وه‌ی چۆنێتیی یارمه‌تییه‌کانمان چ لۆجستیکی، چ سیاسی و چ ته‌ندروستی به‌ کورده‌کانی عه‌فرین دیاری بکه‌ین.

ناوبراو زیادی کرد: هێزی پێشمه‌رگه‌ له‌ ڕابردوودا هاوشانی کورده‌کانی کۆبانێ دژ به‌ داعش شه‌ڕیان کردوووه‌ به‌ڵام ئیستا دۆخه‌که‌ جیاوازه‌ و جۆرێک گوشار و ته‌داخولی بیانی له‌ عه‌فرین هه‌یه‌.

تارق جه‌وهه‌ر ڕوونیشی کرده‌وه‌ ئه‌گه‌ر له‌ هه‌ر هاووڵاتییێکی کورد یان هێزی پێشمه‌رگه‌ و ته‌نانه‌ت په‌رله‌مانتارێک پرسیار بکه‌ن به‌ ئێوه‌ ده‌ڵێت که‌ ئاماده‌یه‌ بچێته‌ عه‌فرین و له‌گه‌ڵ داگیرکه‌ران شه‌ڕ بکات.

کۆدی هه‌واڵنێر: 60103