به‌پێی هه‌واڵی کوردپرێس، که‌ناڵی ته‌له‌فزیۆنی کوردستان 24 له ڕاپۆرتێکدا ده‌ڵێت: له سه‌ره‌تای په‌لاماری چه‌کدارانی داعش بۆ سه‌ر شار و شارۆچکه‌کانی کوردستان، ھێزه‌کانی پێشمه‌رگه زیاتر له 1700 شه‌ھید و 11 ھه‌زار برینداریان به‌خشیوه ئه‌گه‌رچی ده‌ستوور پێشمه‌رگه‌ی وه‌کوو به‌شێک له سیسته‌می به‌رگریی عێراق ناساندوووه به‌ڵام چه‌ندین ساڵه مووچه و پێداویستییه‌کانی لێ زه‌وت کردوووه له‌گه‌ڵ ئه‌وه‌شدا له جیاتی پاداشت کردنیان ئه‌و پێشمه‌رگانه‌ی که له له گۆڕه‌پانه‌کانی شه‌ڕ و به‌رگری کردن به‌دیل گیراون ئێستا ڕاپێچی زیندانه‌کان کراون.
به گوێره‌ی لیستی وه‌زاره‌تی پێشمه‌رگه، ژماره‌ی پێشمه‌رگه دیله‌کانى شه‌ڕى داعش 97 پێشمه‌رگه‌ن و له‌و ژماره‌یه‌ش 38 پێشمه‌رگه‌یان له ژیاندا ماون و چاره‌نووسیان ئاشکرا کراوه و ئێستا له یه‌کێک له زیندانه‌کانی پارێزگای مووسه‌ننای باشووری عێراقن و به پێی ماده‌ی 4ی تیرۆر له لایه‌ن حکوومه‌تی عێراقه‌وه سزای ھه‌تا ھه‌تایییان به سه‌ردا سه‌پێنراوه.
ئه‌و که‌ناڵه ته‌له‌فزیۆنییه زیاتر باس له‌وه ده‌کات له به‌غدا و ھه‌رێمی کوردستانه‌وه ھه‌وڵه‌کان بۆ بینین و ئازاد کردنی ئه‌و پێشمه‌رگانه چڕ کراونه‌ته‌وه به‌ڵام به‌غدا به‌ربه‌ست دروست ده‌کات.
کۆدی هه‌واڵنێر: 60103
Your Comment