به‌پێی هه‌واڵی کوردپرێس، فەرماندەیی یەكینەكانی پاراستنی گەل YPG ئەمڕۆ پێنجشەممە ڕای‌گەیاند كە سوپای توركیا بانگەشەی ئەوە دەكات چەند ناوچەیێكی لە عفرین گرتوووە بەڵام ئەو زانیارییانە ناڕاستن.

فەرماندەییەكە ڕاشی‌گەیاند: سوپای توركیا هیچ ناوچەیێكی لە عفرین كۆنتڕۆڵ نەكردوووە و لە تەواوی ناوچەكان شەرڤانانی YPG بەرگری توند لە هێرشەكانی سوپاكە دەكەن.

سوپای توركیا لە رۆژی 19ی مانگی ڕابردووەوە دەستی بە ئۆپەراسیۆنی سەر كانتۆنی عفرین لە رۆژئاوای كوردستان كردوووە، بەڵام رووبەڕووی بەرگرییێكی توندی شەرڤانانی YPG بۆتەوە.

سوپای توركیا پێشتر ڕای‌گەیاندبوو كە دوو شارۆچكە و پێنج گوند و دوو چیای لە عفرین كۆنتڕۆڵ كردوووە، بەڵام YPG بە بڵاوكردنەوەی وێنە و ڤیدیۆی ئەو ناوچانە دەنگۆكانی ڕەت كردۆتەوە.

سه‌رچاوه‌: شارپرێس

کۆدی هه‌واڵنێر: 60104