بەپێی هەواڵی کوردپرێس، ئانتۆنی بلینکن، وەزیری دەرەوەی ئەمریکا لە راگەیێندراوەکەدا ئاماژەی بەوەداوە: "پەیوەندیم بە مەسروور بارزانی، سەرۆکوەزیرانی هەرێمی کوردستانەوە کردووە، پاڵپشتیمان بۆ هەموو هەوڵێک دووپات کردووەتەوە بۆ ئەوەی لێکۆڵینەوە ئەنجام بدەین و ئەوانەی دەستیشیان لە هێرشەکەدا هەیە سزایان بدەین".

بلینکن دەڵێت: "ئاماژە هەن بەڵێندەرێکی سڤیل لەو هێرشەدا کوژرابێت و چەند ئەندامێکی هاوپەیمانی نێودەوڵەتی و سەربازێکی ئەمریکی و چەند بەڵێندەرێکی ئەمریکی بریندار بووبن".

وەزیری دەرەوەی ئەمریکا هاوخەمی خۆی بۆ کەسوکاری بەڵێندەرەکە دەربڕیوە، کە لەو هێرشەدا کوژراوە. هەروەها هاوخەمی خۆی بۆ خەڵکی عێراق و کەسوکاری ئەوانەش دەربڕیوە "کە بەدەست ئەو کردەوە تووندڕەوە دڕندانە ئازاریان چەشتووە".

شەوی دووشەممە 2021/02/15 کاژێر 09:30 خولەک چەند مووشەکێک لە چەند شوێنێکی نزیک فڕۆکەخانەی هەولێر کەوتنەخوارەوە. یەکێک لە مووشەکەکانیش لە شەقامی 40 مەتریی شاری هەولێر کەوتووەتە خوارەوە.

سەرچاوە: تۆڕی میدیایی ڕووداو

کۆدی هەواڵنێر: 60113