بەپێی هەواڵی کوردپرێس، تۆپخانه‌كانی سوپای توركیا كه له پارێزگای هاتای سنووری سووریا جێگیركراون، چه‌ندین پێگه‌ی YPGیان له عه‌فرین كرده ئامانج.
تۆپخانه‌كانی توركیا له‌شارۆچكه‌كانی هاسا و كركخانه‌وه، لانی كه‌م 40 تۆپیان ئاراسته‌ی ناوچه‌كانی باسوفان، جینده‌ره، مه‌مه‌لان، مه‌سكه‌نلی و راجۆی عه‌فرین كردووه.
تۆپبارانه‌كان له پاشنیوه‌ڕۆی دوێنێوه ده‌ستیان پێكرد و ده‌نگی ته‌قینه‌وه له هه‌ندێک له گونده‌كانی سه‌رسنووری توركیاوه ده‌بیستران.
دوێنێ له كاتێكدا سه‌ركۆماری توركیا له‌میانه‌ی شه‌شه‌مین كۆنگره‌ی ئاسایی لقی پارته‌كه‌ی له ئه‌لازیغ وتاری ده‌دا، تۆپخانه‌كان ده‌ستیان به تۆپبارانی په‌یه‌ده كردبوو له ناوچه‌ی عه‌فرین.
سەرچاوە: هەواڵدەریی دۆغان
کۆدی هه‌واڵنێر: 60113
Your Comment