حه‌سه‌ن نه‌ورۆیزی وته‌بێژی کۆمیسیۆنی داد له په‌رله‌مانی ئێران له‌و باره‌یه‌وه به هه‌واڵنێری کوردپرێسی وت: په‌رله‌مان به‌دواداچوون بۆ دۆسیه‌ی ده‌ستبه‌سه‌رکراوانی خۆپیشاندانه‌کانی ئه‌م دواییه ده‌کات و داواش له ده‌زگای داد ده‌که‌ین ڕه‌وتی پێداچوونه به دۆسیه‌کانیان خێرا بکات و ئه‌وانه‌ی دژ به ئاسایشی وڵات و تێکدانی موڵکی گشتی و ئاژاوه‌گێڕیدا ده‌ستیان نه‌بوووه ئازاد بکرێن.
نه‌ورۆزی تیشکی خسته سه‌ر پرسی خوێندکاره ده‌ستبه‌سه‌رکراوه‌کان و زیادی کرد: پێویسته وه‌زاره‌تی ڕۆشنبیری له ڕێگای مه‌رجه‌عی یاسایییه‌وه به‌دواداچوون بۆ دۆسیه‌ی ئه‌و خوێندکارانه بکات و هه‌وڵ بۆ ئازاد کردنی ئه‌و خوێندکارانه بدات که بێ‌تاوانن.
ناوبراو گوتیشی: له‌باره‌ی ئه‌وانه‌شه‌وه تووشی تاوان هاتوون داوا ده‌که‌ین به لێبورده‌یی و دڵڕه‌حمی ئیسلامییه‌وه مامه‌ڵه بکرێت.
وته‌بێژی کۆمیسیۆنی داد ئه‌وه‌شی خسته ڕوو؛ داواکاران و دادوه‌رانی شاره‌کان به شێوازی نائاسایی خوێندنه‌وه بۆ دۆسیه‌ی ئه‌و خوێندکارانه ده‌که‌ن و فه‌رمانی پێڕاگه‌یشتن به دۆسیه‌که‌یان ده‌رکراوه.
کۆدی هەواڵنێر: 60101
Your Comment