نوێنەری خەڵکی کرماشان لە مەجلیسی شۆرای ئیسلامی لە لێدوانێک بۆ هەواڵنێری کوردپرێس باس لە ڕووداوەکانی حەفتەی ڕابردوو و دەربڕینی ناڕەزایی لە چەند شارێکی ئێران دەکات و دەڵێت: ئەو ڕووداوانە دەبێ تاوتوێ بکرێن. لە دەستووردا ئازاد بوونی کۆبوونەوەی سیاسی ڕەچاو کراوە و یاسا و ڕێسای خۆی هەیە و هەر بەپێی ئەو یاسا و ڕێسایە خەڵکی دەتوانن ڕێپێوان و خۆپیشاندان بکەن و ئەمەش بۆ دەفرایەتیی دەستووری کۆماری ئیسلامیی ئێران دەگەڕێتەوە.

ناوبراو جەختی کردەوە: دەبێ بەستێن بۆ جێبەجێ کردنی ئەم دەفرایەتییانە ئامادە بکرێت تاوەکوو خەڵکیش بگەنە مافەکانی خۆیان.

جاسمی زیاتر وتیشی: ژمارەیێک لە بەشداربووانی خۆپیشاندانەکان نیگەرانی دۆخی ئابووری و ئازادیی سیاسی بوون بەڵام گرووپێکیش نیاز و ئامانجی دیکەیان بوو و ڕەوتەکەیان بە لاڕێ برد.

نوێنەری کرماشان ڕوونی کردەوە: هەر بۆیەش بەشداری کردن لە ئاڵۆزی و ئاژاوەکاندا ڕێگایێکی گونجاو نییە و ئەمەش دەبێ بۆ لاوان و ئەو خەڵکانەی کێشەی بژێویان هەیە ڕوون بکرێتەوە کە ئەم جووڵە و هەڵمەتانە پشتیان بە شوێنی دیکەوە بەستووە.

کۆدی هەواڵنێر: ٦٠١٠٥