بەپێی هەواڵی کوردپرێس، به‌ڕێوه‌به‌رایه‌تی گشتی ئاسایش و هه‌واڵگری کەرکووک ده‌ستگیركردنی دوو تیرۆرستی له‌شاره‌كه راگه‌یاند و دەڵێت: "ده‌ستیان هه‌بووه له‌دانانی بۆمبی چێندراو".
به‌گوێره‌ی راگه‌یه‌ندراوێكی به‌ڕێوه‌به‌رایه‌تی گشتیی ئاسایش و هه‌واڵگری، به‌پشت به‌ستن به‌زانیاری وردی هه‌واڵگری و ئۆپه‌راسیۆنێكی مه‌یدانی تایبه‌تدا، دوو تیرۆریست له‌گه‌ڕه‌كی دۆمیز-ی شاری کەرکووک ده‌ستگیركران كه له‌لایه‌ن دادگاوه به‌پێی ماده‌ی 4ی تیرۆر ده‌واكراوبوون.
هه‌ر به‌گوێره‌ی ئه‌و راگه‌یه‌ندراوه، ئه‌و تیرۆرستانه ده‌ستیان هه‌بووه له‌گواستنه‌وه و دانانی چێندراو، به‌تایبه‌ت له‌سه‌ر پرد و ناوچه جیاجیاكانی شاری کەرکووک.
ناوه‌ڕاستی مانگی رابردوو، له‌چوارچێوه‌ی ئۆپه‌راسیۆنێكدا و له‌لایه‌ن هێزه‌كانی پۆلیسی فیدڕاڵی و حه‌شدی عه‌شایری له ناوچه‌ی ریاز له خۆرئاوای کەرکووک عه‌لی هاشم مولان، یه‌كێک له‌دیارترین فه‌رمانده‌كانی گرووپی تیرۆرستی داعش كوژرا.
کۆدی هەواڵنێر: 60113
Your Comment