به‌پێی هه‌واڵی کوردپرێس، ئه‌شواق جاف ئه‌ندامی په‌رله‌مانی كوردستان له‌ فراكسیۆنی پارتی بۆ رادیۆی نه‌وا وتی: پێویسته‌ حكوومه‌ت و په‌رله‌مانی كوردستان له‌گه‌ڵ خۆپیشانده‌رانی هه‌رێمدا دابنیشن و گوێ‌ له‌ گله‌یی و داخوازییه‌كانیان بگرن بۆ ئه‌وه‌ی هاووڵاتییان هه‌ست بكه‌ن پرسه‌كه‌یان به‌ جدی وه‌رگیراوه‌.

ئه‌شواق جاف وتیشی: له‌گه‌ڵ خۆپیشانده‌ران داین، چونكه‌ ده‌ستوور و یاسا مافی خۆپیشاندانی به‌ هاووڵاتییان داوه‌، به‌ڵام ده‌بێت ئاشتییانه‌ بێت و توندوتیژی لێنه‌كه‌وێته‌وه ‌و ده‌ستدرێژی نه‌كرێته‌ سه‌ر داموده‌زگاكانی حكوو‌مه‌ت كه‌ موڵكی خۆیانه‌ و به‌ پاره‌ی خۆیان درووست كراوه‌.

کۆدی هه‌واڵنێر: 60104