به‌پێی هه‌واڵی کوردپرێس، کاوه‌ محه‌مه‌د له‌ گفتوگۆ له‌گه‌ڵ ماڵپه‌ڕی "بغداد الیوم"دا ئاماژه‌ی به‌وه‌ کرد قه‌باره‌ سیاسییه‌کانی کوردستان یادداشتێکی ناڕه‌زایییان بۆ سه‌رۆک کۆمار، سه‌رۆک وه‌زیران، سه‌رۆکی ئه‌نجومه‌نی نوێنه‌ران، کۆمیسیۆنی داراییی په‌رله‌مان و سه‌رۆک فراکسیۆنه‌کانی ئه‌نجومه‌نی نوێنه‌ران ناردوووه سه‌باره‌ت به‌ داشکاندنی به‌شه‌بودجه‌ی هه‌رێمی کوردستان که‌ له‌ ڕه‌شنووسی بودجه‌ی گشتیی ساڵی 2018ی عێراقدا له‌ 17 له‌سه‌ده‌وه‌ بۆ 12.67 له‌سه‌د که‌م کراوه‌ته‌وه‌.

ناوبراو ده‌شڵێت: ئه‌و حزبانه‌ مه‌رجیان داناوه‌ بۆ ئه‌وه‌ی ده‌نگ به‌و ڕه‌شنووسه‌ بده‌ن.

کاوه‌ محه‌مه‌د جه‌ختی کرده‌ سه‌ر ئه‌وه‌ی به‌شه‌بودجه‌ی هه‌رێمی کوردستان نادادپه‌روه‌رانه‌یه‌ و نه‌ک هه‌ر کێشه‌کانی هه‌ولێر- به‌غدا چاره‌سه‌ر ناکات به‌ڵکوو ئه‌و کێشانه‌ش زیاتر ده‌کاته‌وه‌ و باجی که‌م کردنه‌وه‌ی ئه‌و به‌شه‌بودجه‌یه‌ ته‌نیا به ‌سه‌ر خه‌ڵکی هه‌رێمی کوردستاندا ده‌شکێته‌وه‌.

کۆدی هه‌واڵنێر: 60103