به‌پێی هه‌واڵی کوردپرێس، ڕۆژی چوارشه‌ممه‌ 20ی خه‌رمانانی 1398 به‌رانبه‌ر به‌ 11ی ئه‌یلوولی 2019 سه‌رهه‌نگ مه‌جید موحێبعه‌لی به‌ ئاژانسی فه‌رمیی ئیرنای ڕاگه‌یاند: له‌ ئۆپه‌راسیۆنێکی هاوبه‌شی پۆلیس و ده‌زگای هه‌واڵگریدا له‌ نێوان دوو شاری بۆکان و ساین‌قه‌ڵا 450 کیلۆ ماده‌ی هۆشبه‌ر له‌ جۆری گوڵ ده‌ستی به‌سه‌ردا گیرا.

ناوبراو زیادی کرد: یه‌ک که‌سی قاچاخچیش ده‌ستبه‌سه‌ر کراوه‌ و پاش تۆمارکردنی دۆسیه‌ی پێویست ڕاده‌ستی مه‌رجه‌عی داد کراوه‌.

شایانی باسه‌؛ هه‌فته‌ی ڕابردووش مه‌زرایێکی به‌رهه‌مهێنانی ماده‌ی هۆشبه‌ر له‌ جۆری گوڵ به‌ هاوکاریی پۆلیس و سوپای پاسداران له‌ گوندێکی شاری بۆکان دۆزرایه‌وه‌ و ده‌ستی به‌سه‌ردا گیرا که‌ به‌ ڕێژه‌ی 620 کیلۆ گوڵی تێدا به‌رهه‌م هێنرابوو.

کۆدی هه‌واڵنێر: 60103