کوردپرێس- به گوێره‌ی ئه‌و زانیارییانه‌ی له سه‌رچاوه‌کانی نزیک له ناوه‌ندی سه‌رۆک کۆماری تورکیا وه‌ده‌ست هاتوون بینالی یێڵدرم سه‌رۆک وه‌زیرانی تورکیا پاش گه‌ڕانه‌وه له سه‌فه‌ری 3 ڕۆژه‌ی خۆی بۆ ئه‌مریکا له کۆشکی سه‌رۆک کۆماری تورکیا له‌گه‌ڵ ڕه‌جه‌ب ته‌ییب ئه‌ردۆغان سه‌رۆک کۆماری ئه‌و وڵاته و ژێنڕاڵ هۆلۆسی ئاکار سه‌رۆکی ئه‌رکانی فه‌رمانده‌ییی هێزه چه‌کداره‌کانی تورکیا له پشت ده‌رگا داخراوه‌کان دیدارێکی 3 قۆڵییان ئه‌نجام دا.
ئه‌ردۆغان که هاوکات له‌گه‌ڵ سه‌فه‌ری یێڵدرم بۆ ئه‌مریکا سه‌ردانی ڕووسیا و کوه‌یتی کردبوو له‌و دیداره‌دا له‌گه‌ڵ سه‌رۆکی ئه‌رکانی فه‌رمانده‌ییی هێزه چه‌کداره‌کانی تورکیا له‌باره‌ی ئه‌و سه‌فه‌ره‌وه دیدار و گفتوگۆی کرد.
هه‌روه‌ها به گوێره‌ی زانیارییه وه‌ده‌ستهاتووه‌کان، یه‌کێکی دیکه له میحوه‌ره‌کانی ئه‌و دیداره دیاری کردنی کاندیدی پارتی داد و گه‌شه بۆ وه‌رگرتنی پۆستی سه‌رۆکایه‌تیی په‌رله‌مانی تورکیا بوو.
کۆدی هه‌واڵنێر: 60103
Your Comment