کوردپرێس: ئاژانسی خەندان لە زاری چەند سەرچاوەیێکەوە ڕایدەگەیێنێت: بەهۆی بۆمبارانەکانی سوپای تورکیاوە ‌ئاگر لە ناوچەی سیدەکان کەوتۆتەوە و رووبەرێکی زۆری پاوان و دارستان سووتاوە.

سوپاى تورکیا لەدواى کاتژمێر 9:00 لە ڕێگەی تۆپخانە و فڕۆکە جەنگییەکانەوە بۆردوومان و تۆپبارانی سنووری گوندەکانی خەلیفان و لێلکان و سیران و سنووری خواکورکی ناحیەی سیدەکانیان کرد و تاکوو ئێستاش بۆردوومانەکە بە شێوەی پچڕپچڕ بەردەوامە.

بۆردوومانەکانى ئەمڕۆى تورکیا زیانى گیانیی بەدواوە نەبووە، بەڵام بەهۆیەوە ژمارەیێکى زۆر رەز و باخ سووتاون.

کۆدی هەواڵنێر: 60113