به‌پێی هه‌واڵی کوردپرێس، هاوکات له‌گه‌ڵ سه‌ردانه‌که‌ی ڕۆژی دووشه‌ممه 22ی ته‌مووزی 2019ی جه‌یمز جێفری نوێنه‌ری تایبه‌تی سه‌رۆک کۆماری ئه‌مریکا بۆ کاروباری سووریا و شاندی ئه‌مریکی بۆ ئه‌نقه‌ره، ژێنڕاڵ کنت ئێف مه‌کنزی جوونیوور فه‌رمانده‌ی ناوه‌ندی فه‌رمانده‌ییی هێزه‌کانی ئه‌مریکا له کوردستانی سووریا له‌گه‌ڵ مه‌زڵووم کۆبانێ فه‌رمانده‌ی گشتیی سوپای سووریای دیموکرات (هه‌سه‌ده) کۆ بوویه‌وه.
مسته‌فا بالی وته‌بێژی هێزه‌کانی سوپای سووریای دیموکرات له په‌یامێکدا باسی له‌و دیداره کردووه و ڕای‌گه‌یاندووه: ژێنڕاڵ مه‌کنزی جوونیوور له‌گه‌ڵ ڤیلیام ڕۆبۆک نوێنه‌ری هێزی هاوپه‌یمانێتیی دژه‌داعش ناوچه‌ی ژێر کۆنتڕۆڵی یه‌په‌گه له باکووری سووریایان به سه‌ر کردۆته‌وه.
شایانی باسه؛ هاوکات‌بوونی ئه‌م سه‌ردانه له‌گه‌ڵ سه‌فه‌ری شاندی ئه‌مریکی بۆ ئه‌نقه‌ره ڕه‌نگدانه‌وه‌یێکی به‌ربڵاوی له میدیاکانی تورکیا به‌تایبه‌ت میدیا حکوومییه‌کانی ئه‌و وڵاته‌وه بووه.
سه‌رچاوه: هه‌واڵده‌ریی هابر 7
کۆدی هه‌واڵنێر: 60103
Your Comment