بەپێی هەواڵی کوردپرێس، لاهور شێخ جەنگی لە لاپەڕەی فەیسبوکی خۆی بڵاوی کردەوە لە دیدارێکدا پێویستیی یەکلاییکردنەوەی کێشەکانی ئەمڕۆی عێراق لە هەموو ئاستەکاندا باس کران لەسەر بنەمای گفتوگۆی عێراقییانە.

ناوبراو ڕاشیگەیاندووە: هاوکات گرنگیی گرتنەبەری بنەماکانی تەوافوق و سازان باس کران بۆ چارەسەرکردنی کێشەکان و هەنگاونان بەرەو پێکهێنانی حکوومەتێکی نیشتمانیی خزمەتگوزار و بەهێز کە سەروەریی وڵات بپارێزێت و باشترین خزمەت پێشکەش بە گەلی عێراق بکات.

شێخ جەنگی ڕاشیگەیاند لە دیدارەکەدا جەخت لەوەش کراوەتەوە کە دەبێت پەرلەمانی عێراق ڕۆڵی کارا ببینێت لە چاودێری کردنی کاروبارەکانی حکوومەت.