به‌پێی هه‌واڵی کوردپرێس، عه‌مید یه‌حیا ڕه‌سووڵ وته‌بێژی فه‌رمانده‌ییی ئۆپه‌راسیۆنه هاوبه‌شه‌كانی عێراق به SNNی ڕاگه‌یاند: "به گوێره‌ی زانیارییه‌كانی ئێمه كه تا ئێستا لێی دڵنیا نین، ئه‌و هێزانه‌ی سوپای ئه‌مریكا كه له خاكی سووریا ده‌كشێنه‌وه، دێنه هه‌رێم و له سه‌ربازگه‌یێكی تایبه‌ت به‌و سوپایه جێگیر ده‌كرێن".
ناوبراو وتیشی: "(100%) دڵنیا نین له‌و زانیارییانه و تا ئێستاش ئه‌مریكا پشتڕاستی نه‌كردۆته‌وه به‌ڵام قسه هه‌یه كه ئه‌و هێزانه نه‌گه‌ڕێنه‌وه بۆ ئه‌مریكا به‌ڵكوو له ناوچه‌یێكی سه‌ر به هه‌رێمی كوردستان جێگیر بكرێن".
ئه‌و به‌رپرسه‌ی وه‌زاره‌تی به‌رگریی عێراق ڕاشی‌گه‌یاند: "هیچ زانیارییێكمان له‌باره‌ی بوونی سه‌ربازگه‌ی سوپای ئه‌مریكا له سنووری پارێزگای هه‌ولێر نییه، به شێوه‌یێک نه ده‌توانین ڕه‌تی بكه‌ینه‌وه و نه ده‌شتوانین پشتڕاستی بكه‌ینه‌وه".
کۆدی هه‌واڵنێر: 60103
Your Comment