بەپێی هەواڵی کوردپرێس، به‌بۆنه‌ی جه‌ژنی 98 ساڵیادی دامه‌زراندنی سوپای عێراق به‌یانیی ئه‌مڕۆ یه‌كشه‌ممه بەرهەم ساڵح، سەرۆک كۆماری عێراق تاجه گوڵینه‌ی لە سه‌ر گڵكۆی سه‌ربازی ون دانا.
بەگوێرەی راگەیەندراوێکی نووسینگەی سەرۆکایەتی کۆماری عێراق، له مه‌راسیمه‌كه‌دا هه‌ر یه‌ک له فه‌ریق رووكن عوسمان غانمی، سه‌رۆكی ئه‌ركانی سوپا به‌وه‌كاله‌ت و فه‌رمانده باڵاكانی سوپا و به‌رپرس و ئه‌ندامانی نێرده دیپلۆماتانه‌كان له به‌غدا له پێشوازی به‌رهه‌م ساڵح بوون.
ئاماژە بەوەش کراوە، پاشان نمایشی پاسه‌وانی شه‌رەف ئه‌نجام درا و مارشی نیشتمانی لێدرا و سووره‌تی فاتیحه خوێندراوە و هاوکات سەرۆک کۆمار تاجه گوڵینه‌ی لە سه‌ر گڵكۆی سه‌ربازی ون داناوە.
کۆدی هەواڵنێر: 60113
Your Comment