بەپێی هەواڵی کوردپرێس، سه‌در له‌تویتێکدا له هه‌ژماری تایبه‌تی خۆی نووسیویه‌تی، "ئه‌گه‌ر بڕیاره‌که‌ی دادگای فیدڕاڵی بۆ ڕاگرتنی کاتیی کاره‌کانی سه‌رۆکایه‌تی په‌رله‌مان به‌بێ فشاربێت هه‌نگاوی یه‌که‌مه بۆ دۆزینه‌وه‌ی ئۆپۆزسیۆن له په‌رله‌مان و په‌نا نه‌بردنه‌به‌ر توندوتیژی به‌رامبه‌ر به پێکهێنانی حکومه‌تی زۆرینه نیشتمانی".
ناوبراو راشیگه‌یاند، "هیوادارم که ئۆپۆزسیۆن کار له‌پێناو به‌رژه‌وه‌ندی گشتیدا بکات و ڕه‌چاوی مه‌رجه ده‌ستورییه‌کان و پێویستیی خه‌ڵک بکات بۆ خێراکردنی پێکهێنانی حکومه‌ت، تا ئه‌رکه ئه‌منی و ئابوری و خزمه‌تگوزارییه‌کان و لێپرسینه‌وه له گه‌نده‌ڵکاران خێراتر بکرێت، نه‌ک رێگری له سیاسی دروستبکه‌ن، به‌رژه‌وه‌ندی خه‌ڵک له به‌رژه‌وه‌ندی حزبی و مه‌زهه‌بی و سیاسی به‌رزتر و گرانتره".
هه‌ر له‌و په‌یامه‌یدا موقته‌دا سه‌در ده‌ڵێت: "پێویسته ئۆپۆزسیۆن و دڵسۆزان پێکه‌وه کاربکه‌ن بۆ ڕزگارکردنی عێراق له چنگی داگیرکاری و ئاساییکردنه‌وه و تیرۆر و گه‌نده‌ڵی، داواشده‌که‌ین ئۆپۆزسیۆنێکی نیشتمانیی پێکبهێنن و پابه‌ندبن به ڕه‌وشته‌کانی حکومه‌تێکی زۆرینه‌ی نیشتمانییه‌وه".
شایانی باسە ڕۆژی پێنجشەممە دادگای فیدڕاڵی عێراق لەسەر سکاڵایەکی پەرلەمانتاران مەحموود مەشهەدانی و باسم خشان، بڕیاری دا کارەکانی دەستەی نوێی سەرۆکایەتی پەرلەمانی عێراق بەشێوەیەکی کاتی هەڵپەسێردرێت.
Your Comment