بەپێی هەواڵی کوردپرێس، ئه‌م سه‌ردانه‌ی بەرهەم ساڵح یه‌كه‌م سه‌ردانی فه‌رمییه‌ له‌ دوای هه‌ڵبژاردنی به‌ سه‌رۆک كۆمار بۆ دەرەوەی وڵات و وڵاتانی ناوچەکە ئەنجامی دەدات.

‎له‌ دەستپێکی گەشتەکەیدا بەرهەم ساڵح وڵاتی کوەیت بێت کە لەسەر بانگهێشتنامەیێکی پێشتری شێخ سەباح ئەلئەحمەد ئەلسەباح میری دەوڵەتی کوەیتە، بڕیارە سه‌رۆک كۆماری عێراق له‌ سەردانەکەی بۆ کوەیت چەندین دۆسیە گرنگ تاوتوێ بكات، دیارترینیان گفتوگۆ کردنه‌ لە بارەی پەیوەندییە دووقۆڵییەکانی هەردوو وڵات و رێوشوێنەکانی گەشەپێدانیان.

‎گەشتەکەی ناوبراو بۆ ناوچەی کەنداو و وڵاتانی ئیماراتی یەکگرتووی عەرەبی و چەند وڵاتێكی دراوسێی تریش دەگرێتەوە.

‎نووسینگەی سەرۆک کۆماری عێراق ڕایگەیاندووە: "ئامانجی گەشتەکە هەوڵدانی عێراقە بۆ بنیاتنان و دامەزراندنی باشترین پەیوەندی لە روانگەی قوڵایی رەهەندە عەرەبی و کەنداوییەکەی، هاوکات بۆ چەسپاندنی بنەماکانی هاوسێیەتی باش و تەواوکاری ئابووری و پەرەپێدان و بوژانەوە و گەشەسەندنی کلتوری هاوبەشدا بەو جۆرەی خزمەتی گەلانی ناوچەکە دەکات و چەمکەکانی هاریکاریی نێودەوڵەتی فراوان و بەهێز دەکات".

سەرچاوە: مەوازین نیووز

کۆدی هەواڵنێر: 60113