کوردپرێس:

دیوانی سەرۆکایەتیی کۆماری تورکیا دەنگۆی تێکچوونی باری تەندروستی و مردنی ئەردۆغانی ڕەت کردەوە و گوتی: بەرنامەکانی سەرۆککۆمار بەپێی ئەو شتەی پێشتر ڕاگەیێندراوە جێبەجێ دەکرێت.

ئەمڕۆ پاش ئەوەی دەنگۆی مردنی ئەردۆغان بڵاو کرایەوە دیوانی سەرۆکایەتیی کۆماری تورکیا بەو ڕوونکردنەوەیە دەنگۆکانی ڕەت کردەوە و ڕایگەیاند ئەردۆغان پاش گەڕانەوەی لە ئەستەمبۆڵەوە بۆ ئەنقەرە درێژە بە کارەکانی خۆی دەدات و بەرنامەکانی سەرۆککۆمار هەڵنەوەشێنراوەتەوە.

شایانی باسە ئاژانسی هەواڵی ئانادۆڵیش چەند وێنەریێکی گەڕانەوەی ئەردۆغانی لە ئەستەمبۆڵەوە بڵاو کردۆتەوە و لە وێنەکاندا ئەردۆغان دیداری لەگەڵ ئەمریفیش کردووە.