کوردپرێس:
راگه‌یاندنی مه‌كته‌بی سیاسی یه‌كێتیی نیشتمانیی كوردستان ده‌نگۆیه‌ك ره‌تده‌كاته‌وه‌و ئاماژه بۆ ئه‌وه‌شده‌كات ئه‌و شوێنانیه ئه‌و ده‌نگۆیانه بڵاوده‌كه‌نه‌وه ئاڕاسته كراون و ده‌یانه‌وێت ئارامی كوردستان تێكبده‌ن.
ده‌قی ره‌تكردنه‌وه‌كه:
له دوێنیه‌وه، له كۆمه‌ڵێك ماڵپه‌رو په‌یچی سوشیالمیدیای ئاراسته‌كراو، كه پیشه‌یان شێواندنی ڕاستیه‌كان‌و جه‌واشه‌كردنی خه‌ڵكه، هه‌واڵێكی بێ بنه‌ما و هه‌ڵبه‌ستراو بڵاو ده‌كه‌نه‌وه، كه گوایه دوێنێ هه‌ڤاڵ كۆسره‌ت ره‌سوڵ عه‌لی جێگری سكرتێری گشتی یه‌كێتیی نیشتمانیی كوردستان رێگای پێنه‌دراوه بچێته شاری هه‌ولێر.
سه‌رله‌به‌ری ئه‌م هه‌واڵانه هیچ بنه‌مایه‌كی ڕاستیان نیه‌‌و دروستكراون‌و به مه‌رامی تێكدانی ئارامی كوردستان‌و دڵه‌راوكێی لای كۆمه‌ڵانی خه‌ڵكی كوردستان بڵاوده‌كرێنه‌وه‌و دڵنیاین خه‌ڵكی كوردستان بڕوا به‌و جۆره پروپاگه‌ندانه ناكه‌ن، كه سه‌رچاوه‌كانی بڵاوكردنه‌وه‌یان هیچ متمانه‌یه‌كیان نیه.
راگه‌یاندنی مه‌كته‌بی سیاسی
یه‌كێتیی نیشتمانیی كوردستان
9/10/2018
Your Comment