به‌پێی هه‌واڵی کوردپرێس، ئه‌مڕۆ سێشه‌ممه‌ 25ی ئه‌یلوول دانیشتنی په‌رله‌مانی عێراق بۆ گفتوگۆكردن له‌سه‌ر دۆسییه‌كانی قه‌یرانی تایبه‌ت به‌ ئاو و خزمه‌تگوزارییه‌كانی پارێزگای به‌سڕه‌ ده‌ستی پێكرد كه‌ تێیدا وه‌زیری سه‌رچاوه‌كانی ئاو و ئاوه‌دانكردنه‌وه‌ و شاره‌وانییه‌كان ئاماده‌ی بوون.

هه‌ر له ‌كۆبوونه‌وه‌كه‌دا محه‌مه‌د حه‌لبووسی سه‌رۆكی په‌رله‌مانی عێراق ڕای‌گه‌یاند: كۆتا واده‌ بۆ هه‌ڵبژاردنی سه‌رۆک كۆماری عیراق له‌ په‌رله‌ماندا ڕۆژی 2ی تشرینی یه‌كه‌می 2018 ده‌بێت.

پشكی سه‌رۆک كۆماری عێراق كه‌ به‌ پشكی كورد داده‌نرێت تا ئێستا كێشه‌ی له‌سه‌ره‌ و هه‌ر دوو پارتی دیموكراتی كوردستان و یه‌كێتیی نیشتمانیی كوردستان به‌ پشكی خۆیانی ده‌زانن و كاندیدیان هه‌یه و تا ئێستاش له‌سه‌ر یه‌ک كاندید ڕێكنه‌كه‌وتوون، سه‌ره‌ڕای كاندیده‌كانی ئه‌و دوو حزبه‌ش 28 كاندیدی دیكه‌ خۆیان بۆ ئه‌و پۆسته‌ تۆمار كردوووه‌.

سه‌رچاوه‌: میدیاکانی هه‌رێمی کوردستان

کۆدی هه‌واڵنێر: 60103