کوردپرێس- به‌پێی ئه‌و زانیارییانه‌ی له‌ سه‌رچاوه‌ ناوخۆیییه‌كانه‌وه‌ بڵاو کراوه‌ته‌وه‌ فڕۆكه‌ جه‌نگییه‌كان و هێلیكۆپته‌ره‌كانی سووریا و رووسیا له‌ كاته‌كانی به‌یانی ئه‌مڕۆوه‌ ناحیه‌ی هه‌بیت، جه‌رنه‌ناز، هیش و ته‌مه‌نیه‌ی باشووری ئیدلب و شارۆچكه‌ی لاته‌منه‌ باكووری حه‌ما بۆردومان ده‌كه‌ن که‌ له‌و هێرشانه‌دا 17 مه‌ده‌نی بریندار بوون.

مسته‌فا حاج یووسف به‌ڕێوه‌به‌ری به‌رگریی شارستانیی ئیدلب له‌ لێدوانێكیدا بۆ ئاژانسی ئانادۆڵو گوتی: "له‌و هێرشه‌ ئاسمانییانه‌ی له‌ به‌یانییه‌وه‌ به‌رده‌وامه‌ 17 کەس بریندار بوون".

به‌پێی ئاماری سه‌رچاوه‌كانی به‌رگریی شارستانی، له ‌سه‌ره‌تای ئه‌م مانگه‌وه‌ له‌ ئه‌نجامی هێرشه‌ ئاسمانییه‌كاندا له‌ ئیدلب و ده‌وروبه‌ری 29 کەس کوژراون و لانیكه‌م 71ی دیكه‌ش بریندار بوون.

سه‌رچاوه‌: هه‌واڵده‌ریی ئه‌نادۆڵو

کۆدی هه‌واڵنێر: 60103