به‌پێی هه‌واڵی کوردپرێس، مایک پێنس جێگری سه‌رۆكی ویلایه‌ته یه‌كگرتوووه‌كانی ئه‌مریكا له زنجیره‌یێک توویتدا له تۆڕی كۆمه‌ڵایه‌تیی توویته‌ر ڕای‌گه‌یاند: "له‌گه‌ڵ سه‌رۆكی ئه‌مریكادا به‌رده‌وامین له‌هه‌وڵدان بۆ ئازادكردنی قه‌شه برۆنسۆن و گه‌ڕاندنه‌وه‌ی ئه‌و قه‌شه‌یه بۆ لای خێزان و هاوڕێكانی و كلێسای ئه‌مریكا و پێویسته هه‌موو ئه‌مریكییێكیش به‌رده‌وام بێت له نزاخوێندن له‌پێناو قه‌شه ئه‌ندرۆ".
جێگری سه‌رۆكی ئه‌مریكا هۆشداریشی دایه توركیا كه "قه‌شه ئه‌ندرۆ كه‌سێكی بێتاوانه كه له توركیا زیندانییه و پێویسته توركیا دانبه‌خۆداگرتنی سه‌رۆک تره‌مپ تاقی نه‌كاته‌وه".
شایانی باسه؛ قه‌شه برۆنسۆن كه ئێستا له ماڵه‌كه‌ی خۆیدا له شاری ئیزمیری توركیا ده‌ستبه‌سه‌ره، له‌لایه‌ن دادگای توركیاوه تۆمه‌تی هاوكاری كردنی بزاڤی خزمه‌ت و پارتی كرێكارانی كوردستان (په‌كه‌كه)ی دراوه‌ته پاڵ و به‌هۆی ئازاد نه‌كردنی ئه‌و قه‌شه‌یه‌شه‌وه، ئه‌مریكا زنجیره‌یێک سزای به سه‌ر توركیادا سه‌پاندوووه كه به‌هۆی سزاكانه‌وه لیره‌ی توركی نیوه‌ی به‌هاكه‌ی به‌رامبه‌ر دۆلاری ئه‌مریكی له‌ده‌ست داوه.
سه‌رچاوه: شارپرێس
کۆدی هه‌واڵنێر: 60103
Your Comment