بەپێی هەواڵی کوردپرێس، رێوڕەسمی پێدانی بڕیاری سەرۆککۆماری بە سەید ئیبراهیم رەئیسی لە مەزارگەی ئیمام خومەینی، بە ئامادەبوونی کۆمەڵێک لە بەرپرسانی باڵای وڵات بەڕێوەچوو.

ڕێبەری باڵای ئێران لە بەشێکی ڕێوڕەسمەکەدا ڕایگەیاند: سپاسی خودا دەکەین کە ئەم سەرکەوتنەی دایە میللەتی ئێران و هیوام ئەوەیە دەستپێکێکی مبارەک بێت.

ئایەتۆڵڵا خامنەی وەبیری هێنایەوە لە زۆرینەی وڵاتاندا جێبەجێ کردنی دەسەڵات هاوڕایە لەگەڵ کێشمەکێش بەڵام سپاس بۆ خودا لێرەدا بە ئارامی و ئەمنییەتەوە ئەنجام دەدرێت.

لای خۆیەوە سەرۆکی دەوڵەتی سێزدەهەم لە ڕێوڕەسمەکەدا ڕایگەیاند: لە هەر کات و شوێنێکدا کە گوێبیستی ڕێنموونییەکانی ئیمام و ڕێبەری بووین کارەکان بەسەرکەوتنەوە چوونەتە پێش.

سەرۆکی هەڵبژێردراوی ئێران وتیشی: سپاسی هەموو کاربەدەستانی کۆماری ئیسلامیی ئێران دەکەم کە تاکوو ئەمڕۆ ئەرکیان لەسەر شان بووە و درێژەی دا گەلی ئێران سەرەڕای هەموو کێشەکانیان حەماسەتێکی گەورەیان لە هەڵبژاردنەکاندا خولقاند و دوژمنانی وڵاتیان بێ هیوا کرد.

دەقی بڕیاری سەرۆککۆماری

کۆدی هەواڵنێر: 60113