بەپێی هەواڵی کوردپرێس، نووسینگەی راگەیاندنی سەرۆکی پەرلەمان بڵاوی کردەوە، لە کۆبونەوەکەدا باس لە دوایین پێشهات و گۆڕانکارییه سیاسییه‌کانی عێڕاق و کوردستان و هه‌ڵبژاردنه‌کانی داهاتووی عێڕاق کراوە، سه‌رۆکی په‌رله‌مان ڕایگه‌یاندووە: "هه‌ڵبژاردنی سه‌رتاسه‌ری له عێڕاق دۆخێکی سیاسیی جیاوازی هێناوه‌ته کایه‌وه، تازیاتر نزیک ده‌بینه‌وه له هه‌ڵبژاردنه‌کان، ململانێکانیش تۆختر ده‌بنه‌وه، هیواخوازین هه‌ڵبژاردنێکی پاک و بێگه‌رد ئه‌نجام بدرێت، به‌ده‌ر له‌دروست بوونی هیچ ته‌نگژه‌یێک، که‌تێیدا یاسا سه‌روه‌رو باڵا ده‌ست بێت".
سه‌باره‌ت به نووسینه‌وه‌ی ده‌ستووری هه‌رێمی کوردستانیش، ئاماژەی بەوە کردوە، "نووسینه‌وه‌ى ده‌ستووری هه‌رێمی کوردستان پرۆسه‌یێکی گرنگه، پێویستیی به کۆده‌نگیی نیشتمانی و ڕازی بوونی سه‌رجه‌م پێکهاته و نه‌ته‌وه‌کانه که له هه‌رێمی کوردستاندا به‌یه‌که‌وه ده‌ژین، هاوکات پێویسته له‌گه‌ڵ ده‌ستووری عێڕاقدا هیچ هاودژی و نه‌گونجانێک دروست نه‌کات، بۆیه هه‌نگاوه‌کانی پرۆسه‌ی نووسینه‌وه‌ی ڕه‌شنووسی ده‌ستوور به‌وردی به‌ڕێوه‌ده‌چێت".
لای خۆیەوە ڕیکاردۆ ڕۆدرێگس به‌رپرسی نووسینگه‌ی یۆنامى له هه‌ولێر، سوپاسی سه‌رۆکی په‌رله‌مانی کردووە بۆ خستنه‌ڕووی تێڕوانینه یاسایی ده‌ستوورییه‌کانی، هیوای سه‌رکه‌وتنی زیاتری بۆ خواستووە له ئه‌رکه‌کانیدا.
کۆدی هەواڵنێر: 60113
Your Comment