بەپێی هەواڵی کوردپرێس، ڕەجەب تەیب ئەردۆغان، ئاماژەی بەوە کرد کە سووریا موڵکی هەموو پێکهاتەکانە، بەبێ جیاوازی لە نێوان عەرەب، تورکمان، کورد، عەلەوی، سوننە یان دروز، و وەک "خوشک و برا" وەسفی گەلی سووریای کرد.

سەبارەت بە دۆخی سەربازی و سیاسی، ئەردۆغان دەستخۆشی لە سوپای سووریا کرد کە لە چوارچێوەی زنجیرەی فەرماندەییدا کاردەکەن و توانیویانە بە وریاییەوە خۆیان لە هەڵە بپارێزن.

هەروەها ئاشکرای کرد کە لە پەیوەندییەکدا لەگەڵ ئەحمەد شەرع، دووپاتی کردووەتەوە کە تورکیا هەمیشە لە تەنیشت گەلی سووریا دەمێنێتەوە، بەتایبەت لە جەنگی دژ بە تیرۆردا و دەستبەرداری پشتگیریکردنیان نابێت.

لەکۆتایی لێدوانەکانیدا، ئەردۆغان ئاماژەی بەوە کرد کە زۆرینەی گەلی سووریا بە ڕێککەوتنی دوێنێ دڵخۆشن، "جگە لە مشتێک بەڵێندەری لاوەکی کە هەوڵی دامەزراندنی دەوڵەت لە ناو دەوڵەتدا دەدەن".