کوردپرێس: بەپێی ڕاگەیەندراوی حکوومەتی هەرێم، مەسروور بارزانی سەرۆکی حکوومەتی هەرێمی کوردستان گەیشتە دەوحە و لەگەڵ سەرۆک وەزیران و وەزیری دەرەوەی قەتەر کۆ بووەوە.

لە ڕاگەیەندراوەکەدا هاتووە، مەسروور بارزانی، سەرۆکی حكوومەتی هەرێمی کوردستان، بە سەردان و بانهگێشتێکی فەرمی گەیشتە دەوحەی پایتەختی قەتەر و لەگەڵ شێخ محەممەد بن عەبدولڕەحمان ئال سانی، سەرۆک وەزیران و وەزیری دەرەوەی دەوڵەتی قەتەر کۆ بووەوە.

لە کۆبوونەوەکەدا، وێڕای تاوتوێ کردنی دوایین پێشهات و گۆڕانکارییەکانی عێراق و ناوچەکە، بیروڕاشیان لەبارەی بەهێزکردنی پەیوەندییەکانی هەرێمی کوردستان و دەوڵەتی قەتەر ئاڵوگۆڕ کرد.