بەپێی هەواڵی کوردپرێس، هێرۆ مستەفای تەمەن ۵۰ ساڵ کە لە دایکبووی شاری هەولێرە، کاندیدی سەرۆکی ئەمریکایە بۆ باڵیۆزی میسر و خاوەنی بڕوانامەی ماستەرە و پێشتریش چوارساڵ باڵیۆزی ئەمریکابووە لە بولگاریا.

بە گوێرەی راگەیەندراوێکی کۆشکی سپی هێرۆ مستەفای وەک کاندیدی سەرۆکی ئەمریکا بۆ ئەو پۆستە دیپلۆماسییە ئاشکرا کرد و دەڵێت:" خاتوو هێرۆ مستەفا کەسێکی خاوەن ئەزموونە و پێشتریش باڵیۆزی ئەمریکا بووە لە بولگاریا لە ساڵی ۲۰۱۹تا ۲۰۲۳ و هەروەها لە عێراق، پورتوگال، هیندستان، لوبنان و یۆنان  لە سلکی باڵای دیپلۆماسیی جۆراوجۆردا  ئەرکی پێدراوە و کاریکردووە".