بەپێی هەواڵی کوردپرێس، بە ئامادەبوونی ستافی بەشداری فیلمی کوردیی 09 نمایشێک ئێوارەی ڕۆژی 27 ئایاری 2021 لە هەولێر بەڕێوەچوو، قوباد تاڵەبانی جێگری سەرۆک وەزیرانی هەرێمی کوردستان کە ئامدەی کۆڕەکە بوو، خۆشحاڵیی خۆی دەربڕی کە بەرهەمێکی تەواو کوردی لەبەرچاوی نوێنەری وڵاتان نمایش کراوە و هیوای خواست ئەمە ببێتە سەرەتا و دەسپێک بۆ بە پیشەسازی کردنی سینەما لە کوردستان و دەرخستنی توانای گەنجانی کورد لەبواری هونەر.
لە پەراوێزی نمایشەکەدا قوباد تاڵەبانی گفتوگۆی لەگەڵ ستافی بەرهەمهێنەری فیلمەکە کرد کە ئامادەی نمایشەکە بوون و لەبارەی توانای گەنجان و هونەرمەندانی کورد بیروڕایان گۆڕییەوە و پابەندیی حکوومەتی هەرێمی کوردستانی دووپات کردەوە بۆ پاڵپشتی کردنی توانا نیشتمانییە داهێنەرەکان بەتایبەت بواری هونەری نواندن و جەختیکردەوە سینەما پردێکە بۆ بەستنەوەی کۆمەڵگای کوردی بەدنیای سەردەم و دەکرێت ببێتە ئاوێنەی نمایشی خەون و خولیا و ئازار و بەسەرهاتەکانی نەتەوەی کورد بۆ هەموو جیهان.
کۆدی هەواڵنێر: 60113
Your Comment