بەپێی هەواڵی کوردپرێس، سەرکۆمارى تورکيا رەجەب تەيب ئەردۆغان، رايگەياند رێکارەکانى خۆپاراستن لە کۆرۆنا بە گشتاندنێکى وەزارەتى ناوخۆ رێکدەخرێت و لە رۆژى سێشەممەوە دەچێتە بوارى جێبەجێ کردن.
ئەردۆغان لە بارەى بەرەنگاربوونەوەى ڤايرۆسى کۆرۆنا، رایگه‌یاند: "پێويستە هەر ٨٣ مليۆنمان بە رۆحیه‌تی سەفەربەرليک مامه‌ڵه بکه‌ین".
ناوبراو گوتيشى: "تورکيا کە لە چەندين بەرەنگاربوونەوەدا بە رووسوورییه‌وه دەرچووە، پەنا بە خوا ئەو بەرەنگاربوونەوەش دەباتەوە کە لە دژى ڤايرۆسەکە بەڕێوەيدەبات".
سەبارەت بە رێکارەکانى خۆپارستن لە کۆرۆنا سه‌رکۆماری تورکیا، رایگه‌یاند: "ئیتر رۆژانى شەممە و يەکشەممە لە ماڵەکانمان دەبين".
ره‌جه‌ب ته‌یب ئەردۆغان، لە بارەى ڤاکسینی کۆرۆناش رایگه‌یاند: لە مانگى داهاتووەوە لە کارمەندانى تەندروستيمانەوە دەست پێدەکەين و ڤاکسینه‌که جێبەجێ دەکەين.
کۆدی هەواڵنێر: 60113
Your Comment