بەپێی هەواڵی کوردپرێس، ماری زاخارۆڤا وته‌بێژی وه‌زاره‌تی ده‌ره‌وه‌ی ڕووسیا له لێدوانێکی رۆژنامه‌وانیدا رایگه‌یاند: له‌ماوه‌یێکی نزیکدا ده‌قی رێککه‌وتنی سێقۆڵیی نێوان ئه‌رمینیا، ئازه‌ربایجان و ڕووسیا بڵاو ده‌که‌نه‌وه و دووپاتی کرده‌وه، له‌سه‌ر ئه‌و به‌نده‌ی ئاماژه به بوونی هێزی ئاشتیپارێز ده‌کات، له‌سه‌ر ئه‌وه نه‌گه‌یشتوینه‌ته رێککه‌وتن که سوپای تورکیا به‌شداریی تێدا بکات و به‌شێک نابێت له هێزی ئاشتیپارێزی قه‌ره‌باغ.
زاخارۆڤا وتیشی، له‌و رێککه‌وتنه‌دا ته‌نها ڕووسیا به‌شداریی کردووه و فه‌ره‌نسا و ئه‌مریکا به‌شێک نه‌بوون له‌و رێککه‌وتنه‌ی کراوه، به‌ڵام دووپاتی کرده‌وه، که پێویسته ئه‌نجومه‌نی ئاسایشی نێوده‌وڵه‌تی چاره‌نووسی هه‌رێمی ناگۆرنۆ قه‌ره‌باغ یه‌کلابکاته‌وه و بڕیاری له‌سه‌ر بدات.
سەرچاوە: ڕادیۆ نەوا
کۆدی هەواڵنێر: 60113
Your Comment