کوردپرێس:

ڕۆژی پێنجشەممە، 27ی ئابی 2020 دکتۆر جوان مستەفا هاوسەرۆکی دەستەی تەندروستیی ئیدارەی خۆبەڕێوەبەریی باکوور و رۆژهەڵاتی سووریا دوایین ئامارەکانی لەبارەی کۆرۆناوە بڵاو کردەوە و ڕایگەیاند: لە ماوەی 24 کاتژمێری ڕابردوودا یەک هاووڵاتی گیانی لە دەست داوە و 53 هاووڵاتیی دیکەش تووشی کۆرۆنا بوون.

هاوسەرۆکی دەستەی تەندروستیی ئیدارەی خۆسەر ڕوونیشی کردەوە: ئەو کەسەی گیانی لەدەست داوە، پیاوێکی بەتەمەنی دانیشتووی شاری حەسەکەیە.

لەبارەی تووشبووەکانیشەوە رایگەیاند: (29) پیاو و (24) ژنن کە دابەش بون بەسەر شارەکاندا بەمشێوەیە (حەسەکە 6، قامیشلۆ 17، دێرک 5، عامودا 3، دێرەزور 4، رەققە 2، تەبقە 13، یەک حاڵەت لە رمێلان و درباسیە و هۆل).

هاوسەرۆکی دەستەی تەندروستی رایگەیاند: هەر ئەمڕۆ پێنج توشبوی کۆرۆنا چاکبونەتەوە و نەخۆشخانەیان جێهێشتوە.

کۆی ئاماری کۆرۆنا لە کوردستانی سووریا:

تووشبووان: 478

چاکبوونەوە: 80

گیان لەدەست دان: 28