کوردپرێس:
ئێواره‌ی ڕۆژی سێشەمە 27ی نیسانی 2021، وەزیری دەرەوەی ئێران پاش کۆبوونەوەی لەگەڵ مەسعوود بارزانی، لەگەڵ مەسروور بارزانی سەرۆکی حکوومەتی هەرێمی کوردستانیش دیداری کرد.
تا ئەم کاتە لەبارەی وردەکاریی کۆبوونەکەوە زانیاری بڵاو نەکراوەتەوە.
محه‌مه‌د جه‌واد زه‌ریف له رێگه‌ی فڕۆكه‌خانه‌ی نێوده‌وڵه‌تیی هه‌ولێره‌وه گه‌یشته هه‌ولێری پایته‌ختی هه‌رێمی كوردستان و له لایه‌ن جێگری سه‌رۆكی حكومه‌تی هه‌رێمی كوردستان، قوباد تاڵه‌بانی و ژماره‌یه‌ك له به‌رپرسانی باڵای حكوومه‌تی هه‌رێم پێشوازیی لێكرا.
وه‌زیری ده‌ره‌وه‌ی كۆماری ئیسلامی ئێران، دوێنێ به سه‌ردانێك گه‌یشتبووه به‌غدا و له‌گه‌ڵ گه‌وره به‌رپرسانی عێراق كۆبوویه‌وه.
Your Comment