کوردپرێس:

پاش نیوەڕۆی ڕۆژی سێشەمە 27ی نیسانی 2021 محەمەد جەواد زەریف وەزیری دەرەوەی ئێران بە سەردانێک گەیشتە هەولێر و لە فڕۆکەخانەی نێودەوڵەتیی هەولێر لە لایەن قوباد تاڵەبانی جێگری سەرۆکی حکوومەتی هەرێمی کوردستان پێشوازیی لێکرا.

سەردانەکەی زەریف بۆ هەرێمی کوردستان لە کاتێکدایە کە پێشتر سەردانی بەغدا کردبوو و لەگەڵ سەرۆکوەزیرانی عێراق و سەرۆککۆمار و بەرپرسانی باڵای دەوڵەتی ناوەند دیدار و گفتوگۆی کردبوو.

بڕیارە وەزیری دەرەوەی ئێران لەگەڵ سەرۆکی هەرێمی کوردستان و سەرۆکی حکوومەت و سەرک حیزب و ژمارەیێک لە بەرپرسانی باڵای هەرێمی کوردستان دیدار بکات.