به‌پێی هه‌واڵی کوردپرێس، سه‌رچاوه‌یێكی پۆلیسی فیدراڵی له شاری که‌رکووک ئاماژه به‌وه ده‌کات به‌پێی چه‌ند زانیارییێكی هه‌واڵگری توانیویانه ئه‌میرێكی داعش له خانوویێک له گه‌ڕه‌كی یه‌كی حوزه‌یران (كه ده‌كه‌وێته باشوری که‌رکووک و گه‌ڕه‌كێكی توركمان نشین) له‌و شاره ده‌ستگیر بكه‌ن.
ئه‌وه‌ش له كاتێكدایه كه شه‌وی چوارشه‌ممه 18ی ته‌مووز ژماره‌یێک ته‌قینه‌وه‌ی یه‌ك له دوای یه‌ک و هێرشی هاوه‌ن و نارنجۆک له شاری که‌رکووک له شه‌قامی ڕێگای به‌غدا و گه‌ڕه‌كی شۆریجه ڕووی دا و به لایه‌نی كه‌مه‌وه 8 كه‌س بریندار بوون كه له نێویاندا ژن و منداڵ هه‌یه.
سه‌رچاوه‌كه ناوی ئه‌و تیرۆریسته‌ی داعشی ئاشكرا نه‌كرد به‌ڵام ئاماژه‌ی به‌وه كرد كه پێده‌چێت په‌یوه‌ندی به ته‌قینه‌وه‌كانی ئه‌مشه‌وی گه‌ڕه‌كه كوردییه‌كانه‌وه هه‌بووبێت له شاری که‌رکووک.
سه‌رچاوه: KNN
کۆدی هه‌واڵنێر: 60103
Your Comment